_The Mendele Review_: Yiddish Literature and Language
              (A Companion to _MENDELE_)
______________________________________________________
Contents of Vol. 02.018
27 May 1998

               |------------------------------------|
               |    Shleyme (Seymour) Axelrod z"l   |
               |    (1 June 1927  -  21 May 1998)   |
               |------------------------------------|

                   [double issue, vol. 02. 18-19]

1) Yiddish Matters: From the Editor (Leonard Prager)
2) araynfir tsu di _etnografishe anketes_ fun 1928 (Dov Noy)
3) _etnografishe anketes_ heft 1: yontoyvem, vilne 1928 (YIVO)

1)----------------------------------------------------
Date:  27 May 1998
From:  Leonard Prager <lprager@research.haifa.ac.il>
Subject: 1. Yiddish Matters -- In this issue:  a. Shleyme Axelrod, z"l
(L.P.) b. "fun yener zayt lid" (Rokhl Korn). 2. araynfir tsu di
_etnografishe anketes_ fun 1928 (Dov Noy). 3. _etnografishe anketes_
heft 1:  yontoyvem, vilne 1928.  Coming:  Yehoyesh Issue.

a. Shleyme Axelrod, z"l.  We mourn the death of Shleyme Axelrod,
Yiddish-lover "mit ale ramakh eyvrem," Mendelist par excellence,
intrepid poser of and gracious replier to piquant queries (especially in
the first five years of _Mendele_'s existence).  Friendly and
supportive, he corrected our errors with humility and humor.  _Mendele_
and _The Mendele Review_ will miss him greatly.  It is appropriate to
dedicate this folklore issue to his memory and, as a token of his love
for Yiddish literature, to print a poem by Rokhl Korn, whose work he
admired.

b. "fun yener zayt lid" fun Rokhl korn

                      "fun yener zayt lid"
                              fun
                           Rokhl korn

fun yener zayt lid iz a sod faran
un in sod iz a hoyz mit a shtroyenem dakh --
es shteyt dray sosnes un shvaygn zikh oys,
dray shomrem oyf shtendiker vakh.

fun yener zayt lid iz a foygl faran,
a foygl broyn-gel mit a roytlekher brust,
er kumt dort tsu flien yedn vinter oyfsnay
un hengt, vi a knosp oyf dem naketn kust.

fun yeder zayt lid iz a stezhke faran,
azoy shmol un sharf, vi der din-dinster shnit,
un emets, vos hot zikh farblondzhet in tsayt,
geyt dort um mit shtile un borvese trit.

fun yener zayt lid kenen vunder geshen
nokh haynt, in a tog, vos iz khmarne un gro,
ven er doyfekt arayn in dem gloz fun der shoyb
di tsefiberte benkshaft fun a vundiker sho.

fun yener zayt lid ken mayn mame aroys,
un shteyn oyf der shvel a vayle fartrakht
un mikh rufn aheym, vi a mol, vi a mol:
-- genug zikh geshpilt shoyn, du zest nisht? s'iz nakht.
                            *****
2)----------------------------------------------------
Date:  27 May 1998
From:  Dov Noy <noy@hum.huji.ac.il>
Subject:  araynfir tsu di _etnografishe anketes_ heft 1: yontoyvem, 1928

[_The Mendele Review_ is privileged to reissue a 70-year old Yivo
questionnaire which is a milestone in the development of Yiddish
folklore studies.  Professor Dov Noy, whose personal and professional
histories intertwine in the fascinating story of this document's
genesis, has written a critical introduction to the brochure for this
occasion.  Reading the questionnaire with his help we gain perspective
on the history of eastern Ashkenazic (especially Yiddish-language based)
folklore.  The questions themselves are an education to the average
modern Jew as to the nature and scope of East European Jewish life.
Much of the material collected was lost and the civilization which
embodied it was brutally destroyed; in the questionnaire this
civilization is palpably present.  An added reason for reissuing these
intrinsically interesting _anketes_ is that Jewish folklore, which
continues to grow and change, is always in need of recruiting new
_zamlers_.  Ed.]
---------------------------

    araynfir tsu di _etnografishe anketes_ heft 1: yontoyvem, 1928

                           fun Dov noy


zint der grindung fun dem yidishn visnshatlekhn institut (yivo) in vilne
(1925) iz zayn visnshaftlekhe arbet ongegangen in finef rikhtungen, loyt
di finef hoypt-gebitn fun der yidishistik -- khokhmes-yidish. fir fun di
finef yivo opteyln zenen organizatorish geven "sektsyes," eyne iz geven
a "komisye," vayl in di oygn fun di Yivo grinder un onfirer iz mistome
ir gebit nit geven genug visnshaftlekh. lomir oysrekhenen di opteyln,
ophitndik dem seyder funem yidish-alefbeys:

1. historishe sektsye;
2. etnografishe komisye;
3. ekonomish-statistishe sektsye;
4. psikhologish-pedagogishe sektsye;
5. filologishe sektsye.

di eyntsike nit-sektsye iz geven di etnografishe, un in di yivo
publikatsyes un reshimes farnemt zi al-pi-rov dos letste ort.  es iz
nit keyn vunder vos di ongenumene yivo visnshafler un forsher, vos
tsvishn zey hobn di historiker un di filologn farnumen dem oybn-on,
hobn gekukt oyf di folkloristn (der banuts mitn termin "etnografye" iz
geven bekoyekh tsu makhn dos gebit mer "repektabl"...).  di "visnshaft
des yudentums" in daytshland un nokh ir di haskole in mizrekh-eyrope
hobn tomed batont (un shtoltsirt dermit), az di yidishe traditsye iz a
ratsyonalistishe, un zi hot zint di biblishe tsaytn bakemft di
ober-gleybenishn un zabobones (di "darkhey ho-emori") fun di umgebildete
shkheynem un fun "fintstere" yidishe yekhidem.  oykh in der
khokhmes-yidish, velkhe iz oyfgevaksn oyf sekulere, ratsyonalistishe
yesoydes, hobn di vizuele un konkrete eynsn fun der folksshafung
farnumen tomed a vikhtikern plats in farglaykh mit der
mindlekher-herevdiker traditsye.  Dem "am-haseyfer" pasn beser
geshribenene (oder gedrukte) un geleyente bikher, vi dertseylte
"bobe-mayses" oder gezungene "lidlekh."

di flaysike un ibergegebene arbet fun di mitglider fun der etnografisher
komisye iz ongegangen loyt dem muster fun enlekhe folkloristishe
institutsyes (al-pi-rov arkhivn) un etnografishe muzeyen in di
skandinavishe lender.  zint elias lonnrot (1802-1884) hot matskliekh
geven tsu dergeyn tsu di originele alte finishe lider (_kalevala_ [ze
_tmr_ 01.008]) a dank zayne kontaktn mit zamlers-lezers un a dank dem
oyfshtelen a zamler-nets, vos ire mitglider flegn im reguler shikn
materyaln mit der post un entfern oyf zayne shriftlekhe onfregn, iz der
anketn-metod ongenumen gevorn in finland un in di shkheynishe lender.

der doziker metod hot bahersht oykh di etnografishe komisye, vos hot
gehaltn, az in der ershter faze fun ir tetikayt darf zi zikh
kontsentrirn arum dem oyfshteln fun a zamler-nets. aza nets bashteyt fun
dray minem mentshn, vos yeder fun zey iz vi a ring in der drayiker keyt.
di struktur bashteyt fun 1. forshers; 2. zamlers; 3. informantn.

1. in der drayiker piramide iz dos ort fun di forshers oybn on. zey
gefinen zikh in der "tsentrale" -- dos heyst in der institutsye, velkhe
darf ophitn un forshn di gezamlte materyaln. der forsher iz
farantvortlekh far onhaltn kontaktn mit di zamlers. er korespondirt mit
zey, entfert oyf zeyere shriftlekhe onfregn. er (un zayne koleges in der
"tsentrale") iz der lerer un instruktor. ober dos iz nit zayn eyntsike
oyfgabe. er klasifitsirt, registrirt, un indeksirt di ongekumene
materyaln; er makht zey dergreykhbar farn breytn oylem, derikersht far
visnshaftlers un forshers. er aleyn iz eyner fun zey, un derfar iz er
oykh mekhuyev tsu farefntlekhn artiklen un bikher, velkhe bazirn zikh
oyf di oytsres ongezamlt in "zayn" institutsye.

2. der zamler iz a min farmitler tsvishn dem forsher un dem informant.

3. der informant iz der folksmentsh, vos iz arayngeton in zayn
traditsye, iz in ir bahavnt, un farshteyt, az zayn bashtimung iz
aribertsugebn, transferirn zayn kultur-yerushe letoyves di kumendike
doyres. er veyst az der zamler vet im intervyuirn, ober er veyst oykh,
az "zayne" ibergegebene kultur-eynsn zenen vikhtik un veln opgehit vern
in a natsyonaler, efntlekher institutsye, vu zey veln badinen dem klal
un di visnshaft bifrat.

di mitglider fun der etnografisher komisye hobn take farnumen dem oybn
on fun der piramide, ober zey hobn zikh nit gefirt vi forshers, vos
darfn publikirn.  di sibe derfun iz geven nit azoy der zilzl mitsad
zeyere koleges, oykh nit dos feln fun a geheriker, akademisher
oysshulung. dem hoypt-khisorn  hobn zey gezen in dem feln fun
adekvate materyaln.  derfar hobn zey gezen zeyer hoypttsil in intensiver
organizatorisher arbet, vos nemt arayn dos zamlen un sortirn, ober nit
dos mamoshesdike forshn.

nor az der ongezamlter materyal vet vern genug groys un raykh (zey hobn
gut gevust, az zey veln keyn mol nit dergreykhn dem kamusdikn nivo fun
di skandinavishe arkhivn un muzeyen), nor demolt vet men onheybn tsu
forshn mamesh un tsu publikirn.

nor demolt vet realizirt vern der kholem fun dem komisye-sekretar,
Khayem khayes (er hot geshribn zayn nomen mit kof, ober al-pi-rov leygt
men im oys, oykh in yidish-leksikonen, mit a khes, loyt dem
loshn-koydesh opshtam funem nomen): di "komisye" vet vern a "sektsye" un
ir nomen vet nit zayn an ontsuherenish tsu a tekhnishn bashraybn
{"etnografye"), nor tsu a bekovedikn forshn un shtudirn ("etnologye").
un efsher vet oykh tsukumen tsum termin "etnologishe" der adyektiv
"folkloristishe" un "di bushe vet zikh opton fun undz...."

dem sekretars kholem iz nit mayns an aynfal oder fantazye. kh'hob im
aleyn gehert funem sekretars moyl, mit iber 60 yor tsurik. geboyrn (vi
ikh) in kolomey (mizrekh galitsye), fleg Khayem khayes farbrengen zayne
zumer vakatsyes mit zayne eltern in undzer geboyrn-shtot (in vilne iz er
oykh geven a lerer un zikh nit gekent bafrayen in meshekh funem shulyor)
un fleg banayen yedn zumer zayn frayndshaft mit mayn tatn (zindale
nayman [neuman]), vos iz nit nor geven zayn ben-ir, nor oykh zayn
ben-dor (beyde geboyrn in 1889) un zayn yugnt-fraynd.

ikh gedenk biz haynt zayne vizitn vayl oft fleg er un mayn tate in di
ovntn zikh bagegenen mit potentsyele informantn -- dertseylers, zingers,
un azoy vayter, un ikh, a yingl fun 10-12 yor, fleg mitgeyn mit zey....
ikh gedenk oykh gut dem aktivn kolomeyer yivo zamlerkrayz vos khayes un
mayn tate zenen geven tsvishn zayne grinders. in dem band _yidisher
folklor_, vilne 1938 (yivo filologishe shriftn band 5), unter der
redaktsye fun y.-l. kahan, vern dermont inem zukhtsetl (z. 354) 20
zamlerkrayzn, un kamusdik iz kolomey tsvishn di ershte 5 erter.

oft fleg zikh khayes baklogn oyf zayne shtoltse yivo-koleges un in eynem
fun di geshprekhn hot er oykh oysgedrukt dem oybndermontn kholem, vos iz
mistome geven oykh zayn hofenung. a teyl funem dozikn kholem iz gekumen
tsum oysdruk in der diskusye vegn barikht fun der etnografisher komisye
oyf der untn dermonter 1929 yivo konferents. a mitglid fun der komisye,
Naftole vaynig (geboyrn 1897 in torne, mayrev galitsye), makht in der
diskusye a forshlog, di etnografishe komisye "zol makhmes ir khshives
reorganizirt vern in a zelbshtendike etnografisher sektsye...."
(_barikht_.... 1930, z. 70).

haynt iz mir klor, az di dozike arayngezapte in mir zikhroynes fun
geshprekhn in mayn kolomeyer heym zenen geven tsvishn di goyrmem, vos
hobn mikh aroyfgefirt oyf di folklorishte steshkes un vegn....  a sakh
fun di temes in khayeses folkloristishe publikatsyes zenen 50 yor
shpeter gevorn oykh mayne, tsvishn zey di teme fun zayn poylisher arbet,
gedrukt in _Miesiecznik Zydowski_ (1934), vegn dem "bal-shem-tov bay di
kristn," vos ikh dermon zi un tsitir zi in mayn hebreisher arbet
(_makhanayim_ 46 [1960]) vegn der bal-shem-tov legende in di
karpatn-berg.

fir yor nokh der grindung fun yivo iz forgekumen in vilne (funem 24stn
bizn 27stn oktober 1929) di ershte algemeyne konferents fun dem
institut.  in der zelber serye ("organizatsye fun der yidisher
visnshaft") in velkher undzer _etnografishe anketes_ (20 zz.) zenen
publikirt gevorn, vi numer 4 (in 1928), iz tsvey yor shpeter (in 1930)
publikirt gevorn, vi numer 7, der protimdiker _barikht_ fun der
doziker konferents.

s'iz keday tsu fartseykhenen, az tsvishn di tsvey dermonte publikatsyes
iz aroys (in 1929), vi numer 6, a "hantbikhl far zamlers" mitn nomen
_vos iz azoyns yidishe etnografye?_, vos, dem emes zogndik, volt es
gedarft dershaynen far di _anketes_, un nit nokh zey.

der oysterlisher seyder fun di tsvey oysgabes aroysgegebn durkh der
etnografisher komisye, ken hobn farsheydene derklern. ot zenen tsvey fun
zey:

1. say khayes un say y.-l. kahan (1881-1937), velkhn khayes hot
gehaltn far zayn rebn, zenen nit geven farinteresirt in der teoretisher
oysshulung un bildung fun di zamlers. es ken gedrungen zayn fun kahans
korespondents mit khayesn, az beyde hobn gezen nor di yugnt in di shuln
vi dem dor velkher vet vayter mamshekh zayn di folks traditsye.
s'iz nit keday optsugebn tsayt un energye di ekzistirndike zamlers, vos
durkhshnitlekh zenen zey shoyn nit yung un farshteyen nit di vikhtikayt
fun di gezamlte materyaln (farglaykh kahan, _shtudyes_ [nyu york 1952],
z. 305 [= a briv fun khayesn]).

2. der tsveyter derkler brengt undz tsu der problematik fun der shtelung
fun der komisye tsu sh. anski [Shloyme-zaynvil rapoport] (1863-1920) un
zayne oyftuen oyfn gebit fun yidisher folkloristik un etnologye. mir
veysn az khayes un andere yidishe yunge folkloristn zenen geven
baaynflust fun anskis verk un fun zayn organizatsyoneln koyekh. zayn
bukh _der mensh [mentsh]_ iz in der emesn eyn groyse ankete, velkhe
farmogt 2087 fragen vegn dem mentshlekhn lebnstsikl. in khayeses arbet
vegn "gleybungen un minhogem in farbindung mitn toyt" (_filologishe
shriftn fun yivo_, band 2, 1928, zz. 281-328) iz di hashpoe fun dem
letstn kapitl in anskis _der mensh [mentsh]_ ("der toyt," 401 frages)
gor klor. dos dozike bukh iz geven a sakhakl fun der anski ekspeditsye
(1912-1914) un iz dershinen in peterburg, 1915. geyendik in anskis
fustrit hot oykh di komisye bashlosn aroystsugebn koydem-kol di anketes
in bukhform, un dem teoretishn araynfir -- nit far der "in situ"
derfarung, nor dafke nokh ir.

di anski imitirung iz ober nor eyn tsad fun der yivo-anski
tsveytaytshiker batsiung. di yivo tuers un di fir oyberdermonte sektsyes
hobn gevust az zeyer oyftuen zenen pionerish un dos hot zey ongefilt mit
shtolts un bafridikung. di etnografishe komisye iz ober geshtanen in
anskis shotn un a sakh fun zeyere bashlusn ken men farshteyn vi an
anti-anski reaktsye. dos iz mistome oykh di sibe derfar, vos di ershte
publikatsye fun der komisye git zikh op mit anketes farbundn mitn
yortsikl, vos trogt visnshaftlekh an avangardishn kharakter, un nit mit
dem lebnstsikl, vos anski un di grupe tsuherer fun der yidisher akademye
in peterburg hobn im shoyn baarbet in 1915.

der emes iz az anski hot tsugegreyt tsum druk a tsveytn band fun _dos
yidishe etnografishe program _ (_der mensh_ [mentsh] iz geven der
ershter band), mitn nomen _shabes un yontef_, un es zenen faran
farlozlekhe eydes|n vegn korektes fun der doziker publikatsye. ober
beshas der revolutsye iz alts farloyrn gegangen.

in meshekh fun ire ershte fir yor iz di komisye geshtanen in farbindung
mit 500 zamlers. in der anski ekspeditsye iz keyn mol nit geven keyn
minyen. un dokh hobn di komisye onteyl-nemers gefilt a min kine klape
der ekspeditsye, vos hot nit gearbet mit keyn zamlers, un ire
onteyl-nemers hobn gehat direktn kontakt mit di informantn, un aleyn
geven di zamlers vos shteyen in kontakt mit di mekoyrem fun der
informatsye on farmitlers.
                                 ***

a banem tsu dem ershtn heft fun di publikirte yontoyvem anketes, loyt
dem hayntikn matsev fun der algemeyner un yidisher "etnografye" (haynt
voltn mir libersht gehat di formulirung "folklor" -- meynendik
derikersht di mindlekhe-herevdike un kogitative, un "etnologye" --
meynendik derikersht di vizuel-materyele folkskultur) volt nit geven
yoysherdik. a dank dem tekhnologishn progres in di 70 yor zint dem
aroysloz fun di anketes un a dank dem oyfbli fun di
telekomunikatsye-mitlen in dem letstn yortsendlik fun undzer yorhundert,
iz der metod fun korespondents-anketes in gantsn fareltert gevorn (in
dem emes iz er shoyn mit 50 yor tsurik aroys fun banuts). vi ken men in
der tsayt fun video-aparatn, velkhe fareybikn yedn intervyu, say
herevdik (in klang) un say vizuel (in rie), banitsn hantshriftlekhe
entfers oyf frages un farshribene barikhtn, vos kenen keynmol nit zayn
in gantsn genoy, un tekhnish zenen zey nit-farlozlekh?

der emes iz az di zaml-arbet geyt vayter on oyf ale gebitn fun undzer
kultur, say in farbindung mit zeyer over un say in farbindung mit zeyer
hoyve, ober di mitlen zenen modernizirt gevorn.  derfar zenen di
_anketes_ nokh alts vikhtik, nit nor tsulib undzer historishn interes,
nor oykh tsulib zeyer inhalt un zeyer takhles|dikn vert.  bekheyn
darf men zogn a dank un a hartsikn yasher-koyekh di initsyatorn funem
itstikn, nayem aroysloz fun der _anketes_ broshur.

inhaltlekh zenen di onvayzn far di alte zamlers vikhtik oykh far di naye
"oyfnemers," un es iz nit keyn nafkemine, tsi zey zenen shraybers oder
fotografn un vosere mitlen zey banitsn. di anketes vayzn dem veg oykh
tsum zukhn fun umbakante, oykh haynttsaytike materyaln.

in meshekh fun di letste tsvey doyres hobn zikh undzere yedies vegn
gleybungen [this is daytshmerish, but what is a good substitute?] un
minhogem ("kogitativer folklor"), farbundn mit di yontoyvem bay
farsheydene yidishe etnishe grupes (tsvishn zey oykh di ashkenazishe,
yidish-redndike yidn), shtark oysgevaksn. derfar volt oykh undzer
batsiung tsu di anketes loyt dem shtand fun undzer hayntikn visn, bazirt
oyf farlozlekhe forshungen un publikatsyes, nit geven yoysherdik.

me ken zikh ober banemen tsu di anketes loyt dem matsev in dem yor fun
zeyer publikatsye, hofndik az di bamerkn un di kritik kenen helfn di
tsukunftike forshers fun undzere folk-traditsyes. dos fartseykhenen fun
di bloyzn iz nit oysn aruntertsuraysn di publikirte anketes; der tsil iz
tsu helfn di moderne forshers, tsvishn zey oykh mekhabrem fun naye
"vegvayzers" tsu yidishe folk-traditsye oyfn gebit fun
yontoyvem-folklor. di naye onvayzn, oykh far sekulere oyfnemers, torn
nit zayn amerats|ish, un me darf beshas dem tsugreytn fun a nayem
aroysloz, hobn in zinen dos oysbesern fun di bloyzn un dos dergantsn fun
di felndike materyaln.

di batsiungen tsvishn dem gloybn un di gleybungen, tsvishn din un mineg
("a mineg brekht a din") hobn tomed basheftikt un veln tomed basheftikn
say di rabonem un say di forshers. ober in di anketes iz nito keyn
bavustzinikayt legabe der doziker problematik, un di grenetsn tsvishn di
obligatorishe klal-yidishe taryag mitsves un di minhogem, velkhe zenen
faran (hobn a "zits in lebn") nor bay a teyl yidn, di dozike grenetsn
zenen in undzere anketes oft mol farneplt, afile mevulbl.

di yivo aktivistn (tsvishn zey oykh di zamlers) zenen geven (mit gor
kleyne oysnemen) veltlekhe yidn. tsvishn di visnshaftlekhe arbeters in
der vilner tsentrale iz nit geven keyn eyn-eyntsiker frumer
("got-forkhtiker") yungerman vos hot opgehit di mitsves. di fun zey, vos
hobn in zeyer yugnt gelernt in khadorem un yeshives hobn nit shtoltsirt
dermit, afile az zey hobn zikh nit geshemt mit zeyer over, dem over fun
a "fargeyendiker velt."

oykh di mitglider fun der etnografisher komisye zeen dos religyeze
yidishe lebn (un di yontoyvem zenen a teyl funem dozikn lebn) vi a teyl
fun der velt vos halt in fargeyn, in shtarbn.  di zamlers vern opgeshikt
tsu "alte layt" (ze: legboymer 2), di amolike tsaytn zenen identish mit
di "gute yorn" (ze: shvues 1).  s'iz nito in di anketes keyn
haynttsaytike visnshaftikayt, un zeyer leyener un banutser ken zikh nit
forshteln, az in dem vilner goens yerusholaim-de-lite zenen faran in  di
1920er yorn mer yeshive-bokherem, vi yivo-bazukhers.

a frage vi "tsi iz faran nokh der mineg?" (ze: peysekh 13 giml) shaft
dem royshem az es handlt zikh vegn an altn, "shtarbndikn" mineg.  ober
in der emesn vert do dermont der mineg az kinder ganvenen aroys dem
afikoymen un koyfn im oys, un s'iz mir klor az in di 1920er yorn
iz nit geven keyn yidish (say religyezer say veltlekher) seyder in vilne
on dem dozikn mineg.

lomir analizirn kleyne kurtse paragrafn un aroysbrengen protem, vos
kenen undz dinen vi a klal un vi a muster far tsukunftike farbeserungen
un dergantsungen:

dem "shabes hagodl" git men op an eyn-eyntsiker paragraf (ze:  peysekh
3), khotsh loyt zayn ort in undzer folks-traditsye "kumt" im a sakh mer.
Es felt der opshtam funem nomen. di "far vos"-frages vos yeder entfer
oyf zey shpiglt op folk-etimologyes, folk-onshoyungen, folk-makhshoves,
zenen gor veynik reprezentirt in di anketes. der opshtam fun di
hebreishe terminen, vi (in undzere anketes) sfire, nitl [ze di letste
hoysofe in di anketes], u"a, hot farsheydene interesante derklern in
folk un shpiglt op zayn folks-"ego", oft mol beser, getrayer un genoyer
vi andere aroyszogn.

tsu di dergantsungen fun "shabes hagodl" gehert oykh der mineg fun shikn
("ekspidirn") di parkhes (d"h di gvirem-kamtsonem) keyn mitsraim, a
mineg farbundn mit farbetungen, rayze-biletn, ua"v.  Khayem khayesn iz
der farshpreyter mineg geven gut bakant, un ikh veys nit far vos er hot
zikh geshemt mit im un dos shvaygn iz im geven libersht.

dos "shemen zikh" derklert efsher oykh dos feln fun andere gut bakante,
farshpreyte (in dem lebn un in der literatur) un afile visnshaftlekh
bahandlte minhogem, vi tsum bayshpik:  shpiln kortn beshas der
nitl-nakht (yidishe, in vin gedrukte kortn, hobn oyf zikh hebreishe
oysyes), dos boydek zayn fun dem shotn in der nakht fun hoyshayne rabe,
in droysn, baym shayn fun der levone; der naketer mentsh (nor a
mantsbil) iz boydek farsheydene teylen fun zayn guf, vayl oft mol felt
der shotn fun eyn eyntsikn eyver, un yeder eyver hot zayn meyn un zayn
derkler.

vi an oysgetseykhnte ankete ken men batrakhtn di ershte in undzer heft
(shabes-shire, 7 frages), un dafke zi shtamt nit fun der komisye, nor
fun a lokaln zamlkrayz. di dozike ankete ken dinen vi a muster, vayl di
frages zenen nit algemeyne, vos pasn zikh arayn in yeder ankete (azoy
tishebov 2:  "git undz a bashraybung fun... bay aykh un fun di minhogem
vos zaynen farbundn mit dem tog," vu anshtot dem vort "tishebov" ken
kumen an ander yontef-nomen). di proportsye fun di ontsuherenishn iz
gut. zey zenen kondentsirt un nit tsu oysfirlekh. frage 1 vil visn dem
opshtam fun dem bazundern nomen (aza frage vegn der nomenklatur felt in
a sakh anketes), di andere frages zenen farteylt tsvishn folks-literatur
zhaners (2:  mayses; es felt di folkslid un muzik-teme, velkhe shpilt
mistome a bazundere role in meshekh fun a shabes, vos hot in zayn nomen
dos vort shire -- a lid, a gezang...), opshtam-frages vegn minhogem
(4,5.7; entfers oyf azelkhe frages firn tsu folks-gleybungen),
terminologye-dialektologye-lingvistik (4), minhogem-bashraybungen (3,
7). di proportsye tsvishn di farsheydene zhaners farbunden mit "shabes
shure" iz oysgehaltn un fayn.

interesant iz di hoysofe vegn dem 15tn kislev un dos dermonen dem
folklor fun di khevre-kedishe layt velkhe hobn oyfgehit a sakh
interesante minhogem.  der emes iz, az nor in gor veynik kehiles vert di
dozike date opgerikht vi der khevre-kedishe tog, durkh a tog fun fastn
velkher endikt zikh mit an impozanter sude.  der ongenumener
khevre-kedishe tog iz der 7ter oder, un di dozike date (loyt der gemore
iz Moyshe rabeynu geboyrn un nifter gevorn ayin be-oder) felt in undzere
anketes un darf dergantst vern.

vi shoyn bamerkt oybn, beshas mir hobn dermont dos "hantbikhl far
zamlers" _vos iz azoyns yidishe etnografye?_ (numer 6 in der serye
"organizatsye fun der yidisher visnshaft"), iz der teoretisher tsugang,
velkher kharaktiziirt dos dozike "hantbikhl" (tsunoyfgeshtelt fun di
oybn dermonte Khayem khayes un Naftole vaynig), vikhtiker far di zamlers
haynt-tsu-tog un in der tsukunft vi di oybn-analizirte _anketes_
broshur. oyb es vet ongenumen vern a bashlus vegn a nayem aroysloz fun
dem "hantbikhl far zamler" iz keday az nokh yedn eynem fun di kapitlekh
(ale zenen bagleyt durkh oysfirlekhe bibliografyes) zoln kumen tsugobn
un dergantsndike bamerkungen. zey veln zogn eydes vegn dem groysn
progres fun der yidisher etnologye un der yidisher folkloristik
bemeshekh fun di letste 70 yor.
                               ***
3)----------------------------------------------------
Date:  27 May 1998
From:  Leah Krikun <lejim@netvision.net.il>
Subject:  _etnografishe anketes_ heft 1:  yontoyvem, vilne 1928 (yivo)


        _etnografishe anketes_ heft 1: yontoyvem, vilne 1928

[yidisher visnshaftlekher institut / serye "organizatsye fun der
yidisher visnshaft," numer 4]

[* = daytshmerish; MEYYED (and others) recommend the plural form
_zamlers_ (rather than _zamler_), the spellings _a mol_, _ale mol_, _eyn
mol_, _keyn mol_, _teyl mol_ and _oft mol_ (rather than _amol_,
_alemol_, _eynmol_, _keynmol_, _teylmol_ and _oftmol_ -- Ed.]

tsu ale fraynd un libhober fun der yidisher folksshafung!

di etnografishe komisye vendt zikh tsu aykh mit a heysn ruf, befrat tsu
di lerer fun ale yidishe shuln, tsu der yugnt on untersheyd fun
rikhtung:

helft undz tsunoyfklaybn di oytsres fun der yidisher folksshafung!

iber shtet un shtetlekh fun der gantser velt, vu s'lebt nor di yidishe
shprakh, vu s'klingt nor dos yidishe lid, vu s'vebt zikh nokh di yidishe
mayse un s'iz nokh nit farshtoysn der yidisher mineg, zaynen tsevorfn di
oytsres fun undzer folksshafung. lozt zey nit farfaln vern!

zamlt zey tsunoyf, ot di reshtlekh fun dem eygns, vos amolike doyres
hobn undz gelozn b|yerushe.

alts is far undz vikhtik:  vertlekh, glaykhvertlekh, mayses, anekdotn,
zabobones, sgules, refues, purim-shpiln un azoy vayter un azoy vayter.

glaykhtsaytik vendt zikh di etnografishe komisye tsu ale muziker, kener
fun notn-shraybn, vemen s'iz tayer der goyrl funem yidishn folks-motiv:

farshraybt di nigunem fun yidishe folkslider, tents, purim-shpiln, helft
zey tsu farshraybn undzere zamler oyf di erter, farbindt zikh mit undz.

yeder eyner ken undz do kumen tsu hilf, vemen s'iz nor tayer di yidishe
kultur.

baym publikirn di materyaln in di "shriftn" fun yidishn visnshaftlekhn
institut vet yeder tsushiker vern dermont.

fraynd un simpatiker, ruft zikh op! vendt zikh tsu undz nokh
instruktsyes un anketes!

der adres far ale shikungen far der etnografisher komisye iz:

gezelshaft "fraynd fun yidishn visnshaftlekhn institut," vilne,
groys-pohulanke 18.

T-wo Przyjaciol Zydowskiego Instytutu Naukowego, Wilno, W. Pohulanka 18.

in meshekh fun 1926-1927 hot di etnografishe komisye aroysgegebn a gantse
rey anketes vegn yidishe yontoyvem. der tsvek fun di anketes iz geven
tsu vendn di oyfmerkzamkayt fun undzere zamler oyf a nay gebit un tsu
farinteresirn kener fun dem folks lebns-shteyger mit an inyen vos iz biz
haynt nokh fun keynem kemat nit oysgeforsht gevorn: mit di yidishe
yontef-minhogem.

hunderter entfers, bashraybungen, yedies fun interesante, teylmol gor
vikhtike minhogem zaynen ongekumen fun shtet un shtetlekh:

minhogem fun velkhe mir hobn biklal nit gevust oder vos mir hobn nit
gehoft zey mer tsu gefinen hobn zikh aroysbavizn ergets in a kleyn
farvorfn shtetl.

dos alts hot undz nokh mer bashtetikt di rikhtikayt un di vikhtikayt fun
undzer ongehoybener arbet.

yedes klenste shtetele, yeder yishev, vi kleyn un vi farvorfn er zol nit
zayn, hot zayne minhogem vos muzn oysgeforsht vern.

s'ken zikh dukhtn in ershtn moment, az s'iz nito keyn untersheyd in di
minhogem:  dinem zaynen dokh di zelbe un men tor zey nit endern. ober
dos lebn tut zikh dos zaynike, un der mineg vos iz in eyn ort a
zelbstfarshtendlekhe zakh ruft in a tsveytn ort aroys dem grestn
khidesh.

der vos hot zikh ayngelebt mit a mineg meynt oftmol, az es is gornit
keday im tsu farshraybn, vayl "ale veysn dokh dos." nito keyn greserer
feler vi der. undzer eygene praktik hot shoyn dos gevizn in a genuger
mos. mir khazern derfar iber dos vos mir hobn shoyn nit eynmol gezogt:
farshraybt alts, farshraybt genoy, vayl alts hot a vert far dem forsher!

in der doziker nayer oysgabe fun di anketes velkhe hobn zikh in meshekh
fun 1926-1927 gedrukt in di "yedies fun yidishn visnshaftlekhn institut"
zaynen shoyn genumen in akht di entfers un informatsyes, vos di zamler
hobn undz tsugeshikt. mir hobn tsugegebn naye frages, teylvayz di
frierdike geendert.

di anketes shepn ober legamre nit oys ale yidishe yontef-minhogem. a
sakh zakhn zaynen do gevis nit dermont. darfn di zamler undz oyf dem
oyfmerkzam makhn in zeyere bashraybungen.

di frages darfn zayn farn zamler nor an onshpar, zey darfn im helfn zikh
tsu oryentirn: oyf vos akhtung tsu gebn, oyf vos zikh nokhtsufregn. am
bestn iz oystsunutsn tsu dem tsvek di yontoyvem gufe, in meshekh funem
gantsn yor. men ken demolt aleyn alts batrakhtn, nokhzen un dergeyn.

oyb dem zamler iz umbakant a mineg oyf velkhn mir fregn zikh, zol er dos
oykh klor oysshraybn, vayl s'iz zeyer vikhtik tsu visn: vi groys iz di
teritorye, vu es iz yo farshpreyt aza un aza mineg.

oyb s'iz epes nit klor, vendt zikh tsu undz nokh oyfklerung.

mir zogn do undzer varemstn dank di ale vos hobn undz geholfn biz aher
in der arbet fun boyen mit gemeynzame koykhes a gemeynzame zakh, -- say
di, vos zaynen tsu undz mit a sakh gekumen, say di vos hobn gebrakht nor
a bisl.

di etnografishe komisye farmogt shoyn haynt a sakh materyal.
ober in farglaykh mit der greys fun der oyfgabe is nokh vintsik oyfgeton
gevorn. undzer ruf muz dergeyn tsu ale yidishe yeshuvem iber der gantser
velt, in di groyse shtet azoy gut vi in di farvorfnste vinklen. es muz
undz kumen tsu hilf yeder eyner, vemen es iz tayer der kultureler oyfbli
fun di yidishe folksmasn.

sof may 1928.
                              ***
[continued in _The Mendele Review_ vol. 2, 019]
______________________________________________________
End of _The Mendele Review_ 02.018

Leonard Prager, editor <lprager@research.haifa.ac.il>

The editor of _TMR_ can also be reached via _Mendele_'s homepage:
http://www2.trincoll.edu/~mendele

Subscribers to _Mendele_ (see below) automatically receive _The Mendele
Review_.

Send "to subscribe" or change-of-status messages to:
    listproc@lists.yale.edu

        a. For a temporary stop: set mendele mail postpone
        b. To resume delivery: set mendele mail ack
        c. To subscribe: sub mendele first_name last_name
        d. To unsubscribe kholile: unsub mendele

              ****Getting back issues****

_The Mendele Review_ archives can be reached at:

http://www2.trincoll.edu/~mendele/tmrarc.htm